Conferência de Judivan J. Vieira

No día, 13 de novembro, ás 17:00h, terá lugar no Salón de Graos da Facultade de Filoloxía e Tradución da Universidade de Vigo a conferencia do autor e investigador brasileiro  Judivan J. Vieira sobre: 

"A muller, a democracia formal e a fórmula da desigualdade"

A conferencia tratará os seguintes aspectos: O papel da muller na formación cultural brasileira:o papel da arte, das telenovelas. O machismo e súa influencia na literatura brasileira (escolas literarias: os conquistadores, o barroco, o arcadismo, o romanticismo, o realismo, o parnasianismo,o simbolismo,o pre- modernismo,o modernismo,a poesía moderna, a literatura contemporánea). O machismo e a súa influencia na música brasileira. Perspectivas futuras para o papel simétrico nas relacións home e muller, no Brasil e en Portugal. Democracia formal, a fórmula da desigualdade no Brasil e en Portugal.

Nota biográfica:
Judivan J. Vieira é Procurador Federal da Procuradoria-Xeral Federal en Brasilia-DF, posgraduado en política e estratexia pola UnB/Adesg e doutorado en Ciencias Xurídicas e Sociais pola Universidad Del Museo Social, Buenos Aires, Arxentina. É autor de libros xurídicos, de auto-axuda e contos. Destacamos a obra La mujer y su lucha épica contra el machismo, publicada en español, e a novela de ficción e espionaxe O Gestor, o Político e o Ladrão.